Hey everyone! 😊
Bahut se log mujhse puchte hain,
“Himani, tum toh job karti ho, phir blog aur branding ke liye time kaise nikalti ho?”
Mera manna hai ki aap sirf ek employee nahi hain — aap khud mein ek Brand hain.
Aaj main share karungi ki kaise aap apni job ke saath-saath apni khud ki pehchan bana sakte hain, bilkul waise hi jaise maine apni journey mein kiya.
- Document Your Journey (Jo seekho, wo batao): Brand banane ke liye aapko expert hone ki zaroorat nahi hai. Aap apni job mein ya apni freelancing journey mein jo kuch bhi naya seekh rahi hain, use social media par share kijiye. Log “Real” aur “Raw” stories se connect hona pasand karte hain. Maine bhi wahi kiya jab maine apni website growwithhimani.in banayi.
- Consistency is Better than Perfection: Maine pehle bhi kaha tha ki perfection ka wait mat karo. Zaruri nahi ki aap roz post karein, par ek schedule banaiye. Agar aap hafte (week) mein 2-3 baar bhi active hain, toh log aapko yaad rakhenge. Bas raste mein seekhte rahiye aur aage badhte rahiye. Har jagah hone ki zaroorat nahi hai. Maine LinkedIn aur Instagram ko chuna kyunki wahan meri tarah ke log aur potential clients milte hain. Ek ya do platforms pakdiye aur wahan apna best dijiye.
- Keep the Same Name Everywhere:Mera ek simple rule hai—Brand name ek hi hona chahiye. Isliye maine har jagah Grow With Himani naam rakha hai taaki log mujhe asani se pehchan sakein. Isse aapki ek “Unique Identity” banti hai.
Doston, job karna bura nahi hai, par kaafi log ase bhi hote hai jo bahar jaakar job nahi kar paate unke liye ghar per family handle karne ke sath sath freelancing work karna unke liye kisi opportunity se kam nahi hai. wo log Apni ek alag pehchan bana sakte hai taaki kal ko aapka kaam aapke naam se jana jaye. Nothing is impossible agar aap thoda-thoda roz karein.
“…Apne sapno ko kagaz par utariye, I believe ki aapke dreams zaroor pure honge!
Let’s growwithhimani!”